নিয়মীয়া বাৰ্তা, ১৯ মেঃ বৰ্তমানলৈ বহিঃৰাজ্যৰ পৰা অহা ৬১জন লোক আক্ৰান্ত হৈছে কৰ’নাত। আজিৰ দিনটোতে সৰ্বাধিক ২০জন লোক আক্ৰান্ত হৈছে। বহিঃৰাাজ্যৰ পৰা অসমত প্ৰৱেশ কৰা লোকসকল বৰ্তমান হৈ পৰিছে প্ৰত্যাহ্বান। ৰে’ল, বাছ, ব্যক্তিগত বাহনৰে অসমত প্ৰৱেশ কৰিছে প্ৰায় ৭০ হাজাৰজন লোকে।
চেন্নাইৰ পৰা অহা ১১জন, ৰাজস্থানৰ পৰা অহা ১১জন, পশ্চিমবংগৰ পৰা অহা ১০জন লোক,মুম্বাইৰ পৰা অহা ৮জন, হাৰিয়ানাৰ পৰা অহা ৮জন লোক আক্ৰান্ত হৈছে ক’ৰোনাত।
ৰাজ্যত কেইবাটাও পৰ্যায়ত বিয়পিছে ক’ৰোনা। তবলিগী জামাতৰ পৰা অহা ৩৫জনলৈ বিয়পিল ক’ৰোনা। আজমেৰ শ্বৰীফৰ পৰা অহা ১০গৰাকী লোক আক্ৰান্ত হোৱাৰ লগতে মহানগৰীৰ ফাঁচী বজাৰৰ আলু গুদামৰ শ্ৰমিক মংগু চাহানীৰ সংস্পৰ্শলৈ আহি আক্ৰান্ত হ’ল ২১জন লোক।