নিয়মীয়া বাৰ্তা, ২ এপ্ৰিলঃ কামৰূপ জিলাৰ বাইহাটা চাৰিআলি আৰক্ষী থানাৰ অন্তৰ্গত বেজেৰা সমীপৰ তিতকুছি গাঁৱৰ এগৰাকী যুৱক কেইবাদিনো সন্ধানহীন হৈ থকাত পৰিয়ালৰ লোক চিন্তিত হৈ পৰিছে। মহামাৰী ক’ৰোনা ভাইৰাছৰ সংহাৰি ৰূপৰ বাবে ৰাজ্যত লক ডাউনৰ সময়ছোৱাত সকলো হৈ পৰিছে স্তব্ধ । যোৱা ১৭ মাৰ্চত ঘৰৰ পৰা ওলাই গৈ আজিও উভতি অহা নাই তিতকুছি গাঁৱৰ দেবজিৎ ডেকা নামৰ যুৱক জন । ইতিমধ্যে পৰিয়ালৰ লোকে সকলোতে অনুসন্ধান চলাই যদিও বিচাৰি নাপায় স্থানীয় বাইহাটা চাৰিআলি আৰক্ষী থানাত সন্ধানহীন সম্পর্কত এখন এজাহাৰ দাখিল কৰে । যদি কোনো ব্যক্তিয়ে দেৱজিত ডেকাৰ সন্ধান পায় বাইহাটা চাৰিআলি আৰক্ষীক খবৰ দিয়াৰ লগতে ৮৮৭৬১১১১৩৭ নম্বৰত যোগাযোগ কৰিবলৈ পৰিয়ালৰ লোকে আহ্বান জনাইছে ।