শিক্ষাবিদ, লোকশিল্পী ড০ বীৰেন্দ্ৰ নাথ দত্তলৈ প্ৰাইড ইষ্ট এণ্টাৰটেইনমেণ্ট প্ৰাঃ লিঃৰ জীৱনজোৰা সাধনা বঁটা
নিয়মীয়া বাৰ্তা, ১৩ জুলাইঃ বিশিষ্ট শিক্ষাবিদ, লোকশিল্পী, অসমীয়া লোক-সংস্কৃতিৰ গৱেষক পণ্ডিত ড০ বীৰেন্দ্ৰ নাথ দত্তলৈ প্ৰাইড ইষ্ট এণ্টাৰটেইনমেণ্ট প্ৰাইভেট লিমিটেডৰ ”জীৱন জোৰা সাধনা বঁটা”। এই বঁটা আগবঢ়াই প্ৰাইড ইষ্টৰ পৰিচালন সঞ্চালক ৰিণিকি ভূঞা শৰ্মাই। উপস্থিত থাকে নিউজ লাইভৰ মুখ্য পৰিচালন সম্পাদক চৈয়দ জাৰিৰ হুচেইন, ভৱেশ ডেকা, ছায়ামণি ভূঞাকে ধৰি বহুকেইজন ব্যক্তি।
সম্পূৰ্ণ সামাজিক দূৰত্ব বৰ্তাই ৰাখি শিল্পীগৰাকীৰ বাসগৃহত গৈ এই বঁটা প্ৰদান কৰা হয়। এই বঁটাত আছে এখন চেলেং, গামোচা, প্ৰশস্তি পত্ৰ, স্মাৰক আৰু ২ লাখ টকাৰ এখন চেক।
বঁটা গ্ৰহণ কৰি দত্তদেৱে কয় যে আজি মই অভিভৃত হৈ পৰিছো। মই নিজকে এজন শিক্ষক বুলিহে পৰিচয় দিওঁ।
প্ৰাইড ইষ্টৰ পৰিচালন সঞ্চালক ৰিণিকি ভূঞা শৰ্মাই কয় যে আমি প্ৰতিবছৰে এজন বৰণ্যে ব্যক্তিক এই বঁটা প্ৰদান কৰি আহিছো। আৰু এইবাৰো এনে এগৰাকী বিশিষ্ট ব্যক্তিক বঁটা প্ৰদান কৰিবলৈ পায় আমি গৌৰব অনুভৱ কৰিছো।