নিয়মীয়া বাৰ্তা, ৯ জুলাইঃ ৰাজ্যত বৃহস্পতিবাৰে নতুনকৈ ক’ভিডত আক্রান্ত হৈছে ২,৬৪৪জন৷ আক্রান্তসকলৰ ভিতৰত সর্বাধিক ২৮৫জন লখিমপুৰ জিলাৰ৷ তদুপৰি গোলাঘাটৰ ২৮০জন, শোণিতপুৰৰ ১৭৩জন আৰু কামৰূপ মহানগৰৰ ১৬৮জন লোক ক’ভিডত আক্রান্ত হৈছে৷ বিগত ২৪ ঘণ্টাত ৰাজ্যত মুঠ ১,০৬,৭৬০টা নমুনাৰ পৰীক্ষা সম্পন্ন কৰা হৈছে৷ আক্রান্তৰ হাৰ হৈছে ২.৪৮ শতাংশ৷
ইফালে, বৃহস্পতিবাৰে ক’ভিডৰ পৰা সুস্থ হৈছে ২,৯৪৬জন লোক৷ সম্প্রতি চিকিৎসাধীন ৰোগীৰ সংখ্যা হৈছে ২১,৭০১জন৷ আজি ক’ভিডত প্রাণ হেৰুৱাইছে ২১জন লোকে৷ মৃত্যু হোৱা লোকসকলৰ ভিতৰত ডিব্রুগড়–যোৰহাট–শোণিতপুৰত তিনিকৈ লোক৷ তদুপৰি বিশ্বনাথ–কার্বি আংলং–শিৱসাগৰৰ দুজনকৈ আৰু কামৰূপ মহানগৰ–কৰিমগঞ্জ এজনকৈ লোকৰ ক’ভিডত মৃত্যু হৈছে৷