নিয়মীয়া বাৰ্তা ৯ মেঃ কামৰূপ জিলাৰ বকোত শনিবাৰে ড্রাগছসহ দুজন লোক আটক হয়৷ বকো আৰক্ষীয়ে গোপন সূত্রৰ পম খেদি তালাচী চলাই জব্দ কৰে ৩.১৪ লাখ টকা৷ জানিব পৰা মতে, গুৱাহাটীৰ পৰা এ এছ ০১ ডি টি ৬৬৪৬ নম্বৰৰ মাৰুতি গাডীৰে আব্দুল্লা হক আৰু ছানোৱাৰ হুছেইন নামৰ লোক দুজনে গোৱালপাৰালৈ গৈ থকা অৱস্থাত বকোত তালাচী চলাই আৰক্ষীয়ে আটক কৰে লোক দুজনক৷ লোক দুজনৰ ঘৰ গোৱালপাৰাৰ ময়লাপথাৰ বুলি জানিব পৰা গৈছে৷ আৰক্ষীয়ে লোক দুজনৰ পৰা ১২,২০০টা ডব্লিউ ৱাই টেবলেটৰ লগতে নিচাযুক্ত দৰবৰ কেইবাটাও বটল উদ্ধাৰ কৰে৷ থাইলেণ্ডৰ পৰা অহা এই নিচাযুক্ত দৰবৰ বটলৰ মূল্য ৪০ লাখ টকা হ’ব৷ বকো আৰক্ষীয়ে অধিক তথ্যৰ বাবে লোক দুজনক জেৰা অব্যাহত ৰাখিছে৷