নিয়মীয়া বাৰ্তা ২৪ ডিচেম্বৰঃ জলশক্তি মন্ত্রালয় আৰু ব্রহ্মপুত্র ব’র্ডে আয়োজন কৰা ব্রহ্মপুত্র আমন্ত্রণ অভিযান আজি আনুষ্ঠানিকভাৱে শুভাৰম্ভ কৰে কেন্দ্রীয় ক্রীড়া আৰু যুৱ কল্যাণমন্ত্রী কিৰেণ ৰিজিজুৱে৷ নদী পুনৰুজ্জীৱিতকৰণ প্রকল্পৰ অংশ হিচাপে গ্রহণ কৰা এই কার্যসূচীত সহযোগ আগবঢ়াইছে অসম আৰু অৰুণাচল প্রদেশ চৰকাৰৰ লগতে এন এইচ আই ডি চি এল, এন এইচ পি চি আদিয়েও৷ ‘লিভিং উইথ দ্য ৰিভাৰ’ এই মূলমন্ত্র লৈ ব্রহ্মপুত্র আমন্ত্রণ অভিযানৰ অংশ হিচাপে এন ডি আৰ এফৰ এটা দলে আজি অৰুণাচলৰ গেইলিঙৰ পৰা চিয়াং নৈৰে যাত্রা আৰম্ভ কৰিছে৷