নিয়মীয়া বাৰ্তা, ১৩ জুন : মৰিগাঁও জিলাৰ ভূৰাগাঁও থানাৰ অন্তৰ্গত ভকুৱামাৰী পামত এজন ছাত্র নিৰুদ্দেশ হোৱা ঘটনাই সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰিছে। এসপ্তাহ ধৰি নিৰুদ্দেশ হৈ থকা ছাত্র জনৰ নাম লিটন বিশ্বাস। জানিব পৰা মতে, ভকুৱামাৰী পামৰ আনন্দ বিশ্বাস আৰু কাজল বিশ্বাসৰ ১১ বছৰীয়া পুত্ৰ তথা ভকুৱামাৰী মধ্য ইংৰাজী বিদ্যালয়ৰ ষষ্ঠ মানৰ ছাত্র লিটন বিশ্বাসে অন্য দিনাৰ দৰেই যোৱা ৬ জুনৰ দিনাও পুৱা বিদ্যালয় লৈ গৈছিল।পিছত আবেলি বিদ্যালয় ছুটী দিয়াত সকলো ছাত্র ছাত্ৰীয়ে ঘৰা ঘৰি গৈছিল যদিও লিটন বিশ্বাস ঘৰলৈ ঘূৰি যোৱা নাছিল।পিছত পৰিয়ালৰ লোকে বিভিন্ন ঠাইত বিচাৰি ফুৰিছে যদিও বৰ্তমানলৈকে ছাত্র জনৰ কোনো সন্ধান পোৱা নাই।ইফালে এই সন্দৰ্ভত ইতিমধ্যে ছাত্র জনৰ পিতৃয়ে ভূৰাগাঁও আৰক্ষী থানাত এখন এজাহাৰ দাখিল কৰিছে বুলি জানিব পৰা গৈছে।বিদ্যালয়লৈ যোৱা পিছৰে পৰা এসপ্তাহ ধৰি ছাত্র জন সন্ধানহীন হৈ থকাত এতিয়া পিতৃ মাতৃৰ লগতে পৰিয়ালটোৰ লোক সকল চিন্তিত হৈ পৰিছে।সেয়েহে কোনো সদাশয় লোকে বিদ্যালয়ৰ সাজত থকা ছাত্র জনৰ সম্ভেদ পালে ৮৮২২৫১৬৯৬১ ম’বাইল নম্বৰত যোগাযোগ কৰিবলৈ ছাত্র জনৰ পিতৃ মাতৃয়ে কাতৰে অনুৰোধ জনাইছে।
প্ৰেৰক আবুল কালাম