নিয়মীয়া বাৰ্তা, ২৯ জুনঃ পবিতৰা অভয়াৰণ্যত উদ্ধাৰ এটা মাইকী গঁড়ৰ মৃতদেহ । পবিতৰা অভয়াৰণ্যৰ টুপলুং বন শিবিৰ এলেকাৰ শলমাৰী জানত উদ্ধাৰ এই মৃতদেহটো । অক্ষত অৱস্থাত আছে গঁড়ৰ খড়গটো। চলিত বানত ডুবি গঁড়টোৰ মৃত্যু হোৱাৰ সন্দেহ কৰা হৈছে।
ইতিমধ্যে বন বিভাগে মৃত গঁড়টোক উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে । উল্লেখ্য যে ৯০ শতাংশ এলেকা প্লাবিত হোৱা অভয়াৰণ্যখনত এইটোৱে বানত ডুবি গঁড় মৃত্যু হোৱাৰ প্ৰথমটো ঘটনা।