নিয়মীয়া বাৰ্তা, ২৪ ফেব্ৰুৱাৰী : শিলচৰ ফাটকবজাৰ কালিবাড়ী ৰোডত ভয়ংকৰ অগ্নিকাণ্ড সংঘটিত হৈছে৷ বৃহস্পতিবাৰৰ সন্ধিয়া কালিবাড়ী ৰোডৰ ছুটকিপট্টীৰ পেৱাৰ মজুমদাৰৰ গুদামত সংঘটিত হয় ভয়ংকৰ অগ্নিকাণ্ডটো ৷ ভয়ংকৰ এই অগ্নিকাণ্ডত জাহ গৈছে কেইবাখনো দোকান সহ গুদাম ঘৰ ৷ জুই নিয়ন্ত্ৰণৰ বাবে অগ্নি নিৰ্বাপক বাহিনীৰ কেইবাখনো বাহন উপস্থিত হৈ জুই নিয়ন্ত্ৰণৰ চেষ্টা কৰে ৷ বহু সময় ধৰি জুই নিয়ন্ত্ৰণ হোৱা নাছিল ৷ কেইবাটাও চিলিণ্ডাৰ বিস্ফোৰণ হোৱাৰ বাবে জুইৰ গতি আৰু ভয়ংকৰ ৰূপ ধাৰণ কৰিছে ৷ ফলত এক আতংকৰ সৃষ্টি হৈছে শিলচৰৰ প্ৰধান বজাৰ ফাটক বজাৰত ৷ জুইৰ সূত্ৰপাতৰ কাৰণ জানিব পৰা নাই ৷ অগ্নিকান্ডত কেইবা লাখ টকা ক্ষয়-ক্ষতি হৈছে।
প্ৰেৰক গৌতম তালুকদাৰ