নিয়মীয়া বাৰ্তা, ১৩মাৰ্চ: লখিমপুৰ নগৰৰ বোৱালগুৰি নিবাসী তথা ২৪৩নং বগলীজান প্ৰাথমিক বিদ্যালয়ৰ সহ শিক্ষয়িত্ৰী প্ৰণীতা ভূঞাক ২০২২ বৰ্ষৰ শ্ৰেষ্ঠ কামৰূপা সমাজ সেৱিকা প্ৰদান কৰা হৈছে। গুৱাহাটীস্থিত এ,ই ইভেণ্টছ এণ্ড এন্টাৰটেইনমেণ্ট প্ৰাইভেট লিমিটেড নামৰ এটা অনুষ্ঠানে ২০২২ বৰ্ষৰ বাবে শ্ৰেষ্ঠ সমাজ সেৱিকা প্ৰদান কৰিছে শিক্ষয়িত্ৰী গৰাকীক। অলপতে গুৱাহাটীৰ শিল্পগ্ৰামত অনুষ্ঠিত এক গাম্ভীৰ্যপূৰ্ণ অনুষ্ঠানত সমাজসেৱিকাগৰাকীক এই বঁটা প্ৰদান কৰে। উল্লেখযোগ্য যে শিক্ষয়িত্ৰী প্ৰণীতা ভূঞাই শিক্ষকতা লগতে মইনা পাৰিজাত, লখিমপুৰ কবি চক্ৰ, বিহু সুৰক্ষা সমিতি,সাহিত্য সভা,লখিমপুৰ জিলা স্বামী বিবেকানন্দ কেন্দ্ৰ ,ৰাষ্ট্ৰীয় স্বয়ং সেৱক সংঘ, নাটকত অভিনয় কৰি সমাজৰ বিভিন্ন ক্ষেত্ৰত জড়িত থাকি সমাদৰ লাভ কৰিছিল।
প্ৰেৰক নিতুল বৰা