নিয়মীয়া বাৰ্তা, ২৭ মাৰ্চঃ ৪৭ সমষ্টিত আজি অনুষ্ঠিত প্ৰথম পৰ্যায়ৰ ভোটগ্ৰহণত নিজৰ ভোটাধিকাৰ সাব্যস্ত কৰিলে বহুকেইগৰাকী হাইপ্ৰফাইল নেতাই।
সৰ্বানন্দ সোণোৱালঃ মাজুলী সমষ্টিক প্ৰতিনিধিত্ব কৰা সৰ্বানন্দ সোণোৱালে আজি ডিব্ৰুগড় জিলাৰ ভোটকেন্দ্ৰত ভোটদান কৰে।
লুৰিণজ্যোতি নেওগঃ অসম জাতীয় পৰিষদৰ সভাপতি লুৰিণজ্য়োতি নেওগে তিনিচুকীয়াত ভোটদান কৰে। উল্লেখ্য নেওগে দুলীয়াজান আৰু নাহৰকটীয়া সমষ্টিৰ পৰা প্ৰাৰ্থীৰূপে নিৰ্বাচনত অৱতীৰ্ণ হৈছে।
গৌৰৱ গগৈঃ কংগ্ৰেছ নেতা গৌৰৱ গগৈয়ে ভোটদান কৰে যোৰহাটত। সাংসদগৰাকীয়ে পিতৃহীন হোৱাৰ পিছত প্ৰথমবাৰৰ বাবে অকলে ভোটদান কৰি আৱেগিক হোৱা বুলি উল্লেখ কৰে।
ইয়াৰ লগতে কেইবাগৰাকীও প্ৰাৰ্থীয়ে পুৱাই ভোটদান কৰে। গহপুৰত ৰিপুণ বৰাই ভোটদান কৰাৰ লগতে বিহপুৰীয়াত পত্নীসহ আহি ভোটদান সাব্যস্ত ভূপেন বৰাই। আনহাতে নাজিৰাত দেৱব্ৰত শইকীয়াই ভোটদান কৰে পুৱা প্ৰায় ৯ বজাত।