নিয়মীয়া বাৰ্তা, ১৪ ফেব্ৰুৱাৰী : মাজুলীৰ শালমৰা গাঁৱৰ শৈক্ষিক দিশত আগুৱাই নিবলৈ আজি ‘আলোক সন্ধানী’ কামজান এলেঙী শালমৰা নামেৰে এটা পুথিভঁৰাল শুভাৰাম্ভণি কৰা হয়। এই উপলক্ষে আজি পুৱা প্ৰথমে পতাকা উত্তোলন কৰে পুথিভঁৰাল পৰিচালনা সমিতিৰ সভাপতি তীৰ্থ শইকীয়াই। পুথিভঁৰালৰ মূল দ্বাৰৰ ফিতা কাটি উদ্বোধন কৰে শালমৰা উচ্চ মাধ্যমিক বিদ্যালয়ৰ শিক্ষয়িত্ৰী কৌশল্যা বায়ন হাজৰিকাই ।ইয়াৰ পিছতে তীৰ্থ শইকীয়াৰ সভাপতিত্বত হোৱা মূল সভাখনত শালমৰা উচ্চ মাধ্যমিক বিদ্যালয়ৰ শিক্ষক গোপাল হাজৰিকা, শালমৰা উচ্চ মাধ্যমিক বিদ্যালয়ৰ শিক্ষয়িত্ৰী কৌশল্যা বায়ন হাজৰিকা, সদৌ মাজুলী জিলা ছাত্ৰ সন্থাৰ সভাপতি অজিত হাজৰিকা, কামজান এলেঙী প্ৰাথমিক বিদ্যালয়ৰ প্ৰধান শিক্ষক মহেন্দ্ৰ বৰা, সহঃ শিক্ষক সুশীল তাছা, পূব মাজুলী আঞ্চলিক ছাত্ৰ সন্থাৰ সাধাৰণ সম্পাদক প্ৰান্তু চাহু আৰু কামজান এলেঙী ৱাৰ্ড সদস্য মহেন্দ্ৰ ভূঞাই ব্যক্তব্য আগবঢ়াই।সম্পাদক যদুমনি হাজৰিকাই আঁতধৰা সভাখন গাঁৱৰ প্ৰায় ৬০জন ব্যক্তি উপস্থিত থাকে ।গ্ৰন্থাগাৰিক দীপ বণিয়া আৰু সম্পাদক যদুমণি হাজৰিকাই পুথিভঁৰালটি আগুৱাই যোৱাত প্ৰতিজন শুভাকাংক্ষী ব্যক্তিৰ সহায়-সহযোগিতা আৰু দিহা-পৰামৰ্শ কামনা কৰিছে।
প্ৰেৰক প্ৰাঞ্জল খাউণ্ড