নিয়মীয়া বাৰ্তা, ৮ ছেপ্টেম্বৰঃ ক’ভিড-১৯ত আক্ৰান্তৰ সংখ্যা প্ৰতিদনে বৃদ্ধি হৈ গৈ আছে অসমত। এগৰাকী-দুগৰাকীকৈ বহুকেইগৰাকী জনপ্ৰিয় লোকো ক’ভিডত আক্ৰান্ত হৈ আছে। শেহতীয়াকৈ জনপ্ৰিয় গায়ক, সংগীত পৰিচালক মানস ৰবিনো আক্ৰান্ত হৈছে ক’ৰোনাত। সংগীত পৰিচালকজনে তেওঁৰ ফেচবুক একাউণ্টযোগে আজি ক’ভিড-১৯ প’জিটিভ বুলি অৱগত কৰে। ফেচবুক একাউণ্টযোগে তেওঁ লগতে তেওঁৰ সম্পৰ্কত অহা লোকসকলক ক’ভিড পৰীক্ষা কৰাৰ লগতে সাৱধানে থকাৰ আহ্বান জনায়।