নিয়মীয়া বাৰ্তা, ৫ ফেব্ৰুৱাৰীঃ ৰাজ্যৰ শিক্ষাখণ্ডলৈ আশাৰ বতৰা কঢ়িয়াই আনি আজি সৰুসজাই ষ্টেডিয়ামত ২৯,৭০১ গৰাকী শিক্ষকৰ নিযুক্তি প্ৰক্ৰিয়া ইতিমধ্যে আৰম্ভ হৈছে। মুখ্যমন্ত্ৰী আৰু শিক্ষামন্ত্ৰী উপস্থিত থকা এই শিক্ষক নিযুক্তি প্ৰক্ৰিয়াই আনন্দিত কৰিছে নৱনিযুক্ত শিক্ষক-শিক্ষয়িত্ৰীক।
এইখিনিতে আন এক গুৰুত্বপূৰ্ণ কথা হৈছে জীৱনৰ প্ৰায় ৩০টা বছৰ বিনাবেতনে শিক্ষকতা কৰা বহু শিক্ষক-শিক্ষয়িত্ৰীলৈও আজিৰ দিনটো এক উল্লেখযোগ্য দিন ৰূপে পৰিগণিত হব। শিক্ষা বিভাগে ৪২৬০খন শিক্ষানুষ্ঠান প্ৰাদেশিকীকৰণ কৰাৰ লগে লগে ১৬,৪৮৪ গৰাকী বিনাবেতনে কাম কৰা শিক্ষক-শিক্ষয়িত্ৰীয়ে লাভ কৰে নিযুক্তি।