নিয়মীয়া বাৰ্তা, ৯ মে’: আজি চিৰাং জিলাৰ ভূটান সীমান্তৱৰ্তী ৰুণীখাটাৰ কুৰুখ ভৱনত জিলাৰ অন্তৰ্গত ভাৰতীয় জনতা যুৱ মৰ্চা চিৰাংদুৱাৰ মণ্ডলৰ নৱগঠিত মণ্ডল সমিতিৰ প্ৰথমখন কাৰ্যনিৰ্বাহক সভা অনুষ্ঠিত হয়। সভাপতি জগদীশ ব্ৰহ্মৰ সভাপতিত্বত কাৰ্যনিৰ্বাহক সভাখন অনুষ্ঠিত হয় । আজিৰ এই কাৰ্যনিৰ্বাহক সভাত বিজেপিৰ চিৰাং জিলা সভাপতি ৰিণ্টু কুমাৰ দাস, ভাৰতীয় জনতা যুৱ মৰ্চা চিৰাং জিলাৰ সভাপতি টিসুংস্ৰাং ব্ৰহ্ম, সুভাইঝাৰ সমষ্টিৰ পাৰিষদ প্ৰভাত বসুমতাৰী, বিজেপিৰ চিৰাংদুৱাৰ মণ্ডলৰ সভাপতি ৰাম টুডু, ভাৰতীয় জনতা যুৱ মৰ্চাৰ মণ্ডল প্ৰভাৰী মনোৰঞ্জন বসুমতাৰীৰ লগতে জিলা আৰু মণ্ডলৰ পৰ্যায়ৰ বিষয়ববীয়া আৰু সক্ৰিয় কাৰ্যকৰ্তাসকল উপস্থিত থাকে ।উক্ত কাৰ্যনিৰ্বাহক সভাত সুভাইঝাৰ সমষ্টিৰ পাৰিষদ প্ৰভাত বসুমতাৰীয়ে আগন্তুক দিনত চিদলী বিধানসভা সমষ্টিৰ অন্তৰ্গত সকলো যুৱ মৰ্চাৰ কাৰ্যকৰ্তাই মিলি বুথ বাহিনী গঠনৰ জৰিয়তে সমষ্টিটোৰ সাংগঠনিক দিশ অধিক শক্তিশালী কৰাৰ বাবে উৎসাহ-উদ্দীপনা মূলক বক্তব্য প্ৰদান কৰে।।
প্ৰেৰক:বিপুল কুমাৰ দাস