নিয়মীয়া বাৰ্তা ২১ এপ্ৰিলঃ ৰাজ্য চৰকাৰে আজি পুনৰ হোটেল, ৰেষ্টুৰেণ্ট আদিক লৈ এক বিশেষ নিৰ্দেশনা জাৰি কৰিছে । সেই অনুসৰি সন্ধিয়া ৬ বজালৈকে হোটেল, ৰেষ্টুৰেণ্ট, ধাবা আদিত বহি গ্ৰাহকে আহাৰ গ্ৰহণ কৰিব পাৰিব । লগতে ৬ বজাৰ পাছত স্থানীয় প্ৰশাসনৰ নিৰ্দেশনামৰ্মে হোটেল, ৰেষ্টুৰেণ্ট, ধাবা আদিয়ে হোম ডেলিভাৰী কৰিব পাৰিব ।
আনহাতে, হোটেলৰ ভিতৰত থকা ৰেষ্টুৰেণ্টসমূহ তাত উপস্থিত থকা সকলৰ বাবে ৬ বজাৰ পিছতো খোলা থাকিব । ৬ বজাৰ পিছত অত্যাৱশ্যকীয় সামগ্ৰীসমূহ E-COMMERCEৰ জৰিয়তে হোম ডেলিভাৰী কৰিব পাৰিব ।
ক’ল্ড ষ্টোৰেজসমূহ ৬ বজাৰ পিছত খোলা থাকিব যদিও গ্ৰাহকৰ বাবে নহয় । কোনো গ্ৰাহকে সামগ্ৰী ক্ৰয় কৰিব নোৱাৰিব ।
ফাৰ্মাচী, চিকিৎসালয়, পশু চিকিৎসাৰ লগত জড়িত সেৱাসমূহৰ ক্ষেত্ৰত এই নিৰ্দেশনা প্ৰযোজ্য নহয় । এই নিৰ্দেশনা ৩০ এপ্ৰিললৈ বাহাল থাকিব ।
উল্লেখ্য যে ৰাজ্যত বৃদ্ধি হোৱা কৰোনাৰ ভয়াৱহতাৰ প্ৰতি লক্ষ্য ৰাখি ৰাজ্য চৰকাৰে মঙলবাৰে জাৰি কৰিছিল ক’ভিডৰ নতুন গাইডলাইন । নতুন গাইডলাইন অনুসৰি দৈনিক ৬ বজাৰ পিছত বজাৰ-হাটৰ লগতে দোকান, শ্বপিং মল আদিকে ধৰি সকলো ব্যৱসায়িক প্ৰতিষ্ঠান বন্ধৰ নিৰ্দেশ দিছিল চৰকাৰে ।