নিয়মীয়া বাৰ্তা ২৭ এপ্ৰিলঃ বিগত প্ৰায় ৩বছৰ ধৰি প্ৰাপ্য বেতন ৰ পৰা বঞ্চিত হৈ থকা মৰিগাঁও জিলাৰ জাগীৰোড স্থিত পেপাৰ মিলৰ স্থায়ী আৰু অস্থায়ী কৰ্মচাৰী সকলৰ জীৱন লকডাউন ৰ সময়ছোৱাত অধিক দুৰ্বিসহ হৈ পৰাৰ সময়ত বিভিন্ন জন আগবাঢ়ি আহিছে। মৰিগাঁও ৰ সমাজকৰ্মী মুকুল হাজৰিকা , জয়ন্ত ডেকা, জয়দীপ বৰুৱা, বিমল দত্ত ,প্ৰভাত ডেকা আৰু মণ্টু নাথে আজি জাগীৰোড পেপাৰ মিল কলনীৰ এশ গৰাকী ব্যক্তিক বিভিন্ন অত্যাৱশ্যকীয় খাদ্য বিতৰণ কৰে। সমাজ কৰ্মী দলটোক নেতৃত্ব দিয়া মুকুল হাজৰিকাই কয় যে পৰৱৰ্তী সময়তো তেওঁলোকে আৰ্ত জনক সহায় ৰ হাত আগবঢ়াই যাব।