নিয়মীয়া বাৰ্তা, ১৬ ডিচেম্বৰঃ ৰাজ্যজুৰি তীব্র প্রতিক্রিয়াৰ সৃষ্টি কৰা অসম আৰক্ষীৰ উপ–পৰিদর্শক (এছ আই) নিযুক্তি কেলেংকাৰিত বিশেষ চৰকাৰী অধিবক্তা নিয়োগ কৰা হৈছে৷ ৰাজ্যৰ ন্যায়িক বিভাগে এই গোচৰটোত দুর্গা জয়ছোৱালক বিশেষ চৰকাৰী অধিবক্তা হিচাপে নিযুক্তি দিছে৷ গোচৰটোৰ বিচাৰ প্রক্রিয়াকে ধৰি চার্জশ্বীট দাখিল আদিৰ ক্ষেত্রত তেওঁ সম্পূর্ণৰূপে চোৱা–চিতা কৰিব৷
উল্লেখ্য যে অসম লোকসেৱা আয়োগৰ পিছত অসম আৰক্ষী নিযুক্তিৰ কেলেংকাৰি ৰাজ্যৰ অন্যতম বৃহৎ নিযুক্তি কেলেংকাৰি হিচাপে বিবেচিত হৈছে৷ ইতিমধ্যে প্রাক্তন ডি আই জি, প্রাক্তন আৰক্ষী অধীক্ষককে ধৰি বহুকেইজন লোকক গ্রেপ্তাৰ কৰা হৈছে৷