নিয়মীয়া বাৰ্তা ২২ জুলাইঃ নগাওঁ জিলাৰ কলিয়াবৰৰ কামাখ্যা, সোনাৰি গাওঁ আদি অঞ্চলত আজি কিছুদিন ধৰি বনৰীয়া হাতীয়ে তাণ্ডৱ চলাই আছে। কালিও কামাখ্যা গাঁৱৰ জোনাৰাম বৰা নামৰ সুলভমূল্যৰ ব্যৱসায়ী জনৰ বাসগৃহত তাণ্ডৱ চলায়। হাতীয়ে ব্যৱসায়ী জনৰ দোকান ঘৰ ভঙাৰ লগতে খাদ্য সামগ্ৰীৰো ক্ষতি সাধন কৰে। উল্লেখ্য যে পূৰ্বতো হাতীয়ে বৰাৰ ঘৰৰ ক্ষতি সাধন কৰিছিল। তদুপৰি কেইবছৰমান আগতে বৰাক বনৰীয়া হাতীয়ে আক্ৰমণ কৰিছিল। ফলত তেওঁৰ এটা ভৰি আঘাতপ্ৰাপ্ত হৈছিল। আজি লৈকে বৰাই বনবিভাগৰ পৰা কোনো ধৰণৰ সাহাৰ্য্য নাপালে।