নিয়মীয়া বাৰ্তা, ২৭ এপ্ৰিলঃ মহানগৰীৰ চানমাৰীৰ মিলনপুৰৰ ২নং মছজিদ ছীল কৰিছে প্ৰশাসনে। মছজিদটোৰ মোৱাজ্জিনগৰাকী দেওবাৰে নলবাৰীৰ পৰা এম্বুলেন্সত আহি পোৱাৰ পিছতে সৃষ্টি হয় চাঞ্চল্যৰ। পৰিয়ালৰ সৈতে লোকজন চানমাৰীৰ মিলনপুৰ আহি পোৱাৰ খবৰ বিয়পি পৰাৰ পিছতে স্থানীয় ৰাইজে খবৰ দিয়ে প্ৰশাসন তথা স্বাস্থ্য বিভাগক। তাৰ পিছতেই আৰক্ষী-প্ৰশাসনে ছীল কৰে মছজিদটো আৰু মোৱাজ্জিনগৰাকীৰ লগতে তেওঁৰ পৰিয়ালক কোৱাৰেণ্টাইনত লৈ যায়।
ক’ৰোনা ভাইৰাছ সংক্ৰমণৰ ক্ষেত্ৰত নলবাৰী জিলা ৰেড জ’নত আছে আৰু ৰেড জ’নৰ পৰা কেনেকৈ কাৰ অনুমতি লৈ লোকজন মহানগৰী পালেহি তাকে লৈ চাঞ্চল্যৰ সৃষ্টি হৈছে।