নিয়মীয়া বাৰ্তা ৯ মেঃ ক’ৰোনা প্রতিৰোধৰ বাবে চলি থকা তৃতীয় পর্যায়ৰ লকডাউনৰ মাজতে মহানগৰীত লকডাউন উলংঘাকাৰীৰ বিৰুদ্ধে অভিযান অব্যাহত ৰাখিছে আৰক্ষীয়ে৷ পাণবজাৰ আৰক্ষীয়ে কালি লকডাউন উলংঘা কৰা ১৩জন লোকক আটক কৰাৰ পিছত শুকুৰবাৰে পুনৰ পাঁচজন লোকক মাস্ক পৰিধান নকৰা–সামাজিক দূৰত্ব বজাই নৰখাৰ অভিযোগত আটক কৰে৷ ঘটনা সন্দর্ভত আৰক্ষীয়ে পাণবজাৰ থানাত গোচৰ ৰুজু কৰি তদন্ত অব্যাহত ৰাখিছে৷ উল্লেখ্য যে পাণবজাৰৰ ৰাজপথত লকডাউন উলংঘা কৰি বহু লোকে ঘূৰি ফুৰা পৰিলক্ষিত হৈছে।