নিয়মীয়া বাৰ্তা, ১৭ মার্চঃ ক’ৰোনা ভাইৰাছৰ দ্রুত বিস্তাৰৰ লগে লগে আফ্রিকান দেশসমূহে বিদেশী নাগৰিকৰ প্রৱেশত বাধা আৰোপ কৰিবলৈ লৈছে ৷ অর্থাৎ বিদেশী নাগৰিকৰ ওপৰত ভ্রমণ নিষেধাজ্ঞা আৰোপ কৰিছে আফ্রিকাৰ বহু দেশে ৷ শেহতীয়াকৈ ঘানাই বিদেশী নাগৰিকৰ দেশখনত প্রৱেশৰ ক্ষেত্রত নিষেধাজ্ঞা আৰোপ কৰিছে ৷ ইয়াৰ পূর্বে দক্ষিণ আফ্রিকাই দেশখনত ক’ৰোনাৰ সংক্রমণে ৰাষ্ট্রীয় বিপর্যয় কঢ়িয়াই অনা বুলি ঘোষণা কৰিছিল ৷ গতিকে ক’ৰোনাৰ পৰা পৰিত্রাণ পাবলৈ বিদেশৰ নাগৰিকৰ ভ্রমণত বাধা আৰোপ কৰিছে দক্ষিণ আফ্রিকাই ৷ আফ্রিকা মহাদেশৰ ২৬খন ৰাষ্ট্রলৈ ক’ৰোনাৰ বিস্তাৰ ঘটিছে৷ এই ২৬খন ৰাষ্ট্রই বিদেশী নাগৰিকৰ ভ্রমণত নিষেধাজ্ঞা আৰোপ কৰিছে৷ বিশেষকৈ চীন, ইৰান, ইটালী, স্পেইন, ব্রিটেইন আৰু আমেৰিকাৰ নাগৰিকসকলৰ ভ্রমণত আৰোপ কৰিছে নিষেধাজ্ঞা ৷