নিয়মীয়া বাৰ্তা, ১৪জুনঃ ক’ৰোনা ভাইৰাছ মহামাৰী বা ক’ভিড–১৯ৰ আতংকৰ বাবে ব্রিটিছ ৰাণী এলিজাবেথ দ্বিতীয়ৰ জন্মদিনৰ অনুষ্ঠান এইবাৰ অনাড়ম্বৰভাৱে পালন কৰা হৈছে৷ বছৰি সেনাৰ সেই বর্ণিল কুচকাৱাজ ৰাণীৰ জন্মদিনত দেখিবলৈ পোৱা যায়৷ কিন্তু ক’ভিড–১৯এ ব্রিটেইনত সংহাৰী ৰূপ ধাৰণ কৰা বাবেই এইবাৰ ৰাণীৰ জন্মদিন অনুষ্টুপীয়াকৈ পালন কৰা হৈছে৷ স্মর্তব্য যে ব্রিটিছ ৰাণীৰ জন্মদিনত মধ্য লণ্ডনৰ ৰাজপথ প্রতিবছৰে ফুলেৰে সজাই তোলা হয়৷ ৰাজপথবোৰত হাজাৰ হাজাৰ পর্যটকে শাৰী পাতি ৰাণীক জন্মদিনৰ শুভেচ্ছা জ্ঞাপন কৰে৷ কিন্তু এইবাৰ তেনে কোনো উৎসৱ দেখিবলৈ পোৱা নগ’ল এলিজাবেথৰ জন্মদিনত৷ স্মর্তব্য যে ইয়াৰ পূর্বেও এবাৰ ৰে’ল শ্রমিকৰ ধর্মঘটৰ বাবে ব্রিটিছ ৰাণীৰ জন্মদিন বর্জন কৰা হৈছিল