নিয়মীয়া বাৰ্তা, ২০ এপ্ৰিলঃ ইৰানৰ কাৰাগাৰত ক’ৰোনা ভাইৰাছত আক্রান্ত হৈছে দেশখনৰ ইনষ্টাগ্রাম তাৰকা ফাতেমেহ খিছবাণ্ড৷ ইনষ্টাগ্রামত ছাহাৰ টাবাৰ হিচাপে পৰিচিত মহিলাগৰাকীক কাৰাগাৰত মাৰাত্মক ক’ৰোনা ভাইৰাছত আক্রান্ত হোৱা বুলি সদৰী কৰিছে তেওঁৰ অধিবক্তাই৷ উল্লেখনীয় যে এঞ্জেলিনা জ’লীৰ জম্বী সংস্কৰণ ইনষ্টাগ্রামৰ জৰিয়তে মুকলি কৰি দি বিশ্বজুৰি খলকনি তুলিছিল ছাহাৰ টাবাৰে৷ যোৱা বছৰ শেষভাগত সংঘর্ষক উচটনি দিয়াৰ লগতে ইছলামবিৰোধী মন্তব্য কৰাৰ অভিযোগত গ্রেপ্তাৰ কৰা হৈছিল ছাহাৰাক৷ বর্তমান কাৰাগাৰতে ছাহাৰ ক’ভিড–১৯ত আক্রান্ত হোৱা বুলি তেওঁৰ অধিবক্তাই সদৰী কৰিছে যদিও কাৰাগাৰ কর্তৃপক্ষই তাক অগ্রাহ্য কৰিছে৷