নিয়মীয়া বাৰ্তা, ২৯ মেঃ চীনৰ বীজাণু বিশেষজ্ঞ ছি ঝেংলিয়ে ৰহস্যজনকভাৱে সন্ধানহীন হোৱাৰ পাছত পুনৰ মুকলিকৈ আত্মপ্রকাশ কৰি ঘোষণা কৰিছে যে ক’ৰোনা ভাইৰাছৰ আৰম্ভণি মাত্র হিমবাহৰ অগ্রভাগৰ দৰে সাধাৰণ ঘটনা৷ উল্লেখনীয় যে ৱুহানৰ পৰীক্ষাগাৰত বাদুলীৰ ওপৰত গৱেষণা চলোৱা ঝেংলিক ‘বেট ৱ’মেন’ হিচাপে অভিহিত কৰা হৈছে৷ বাদুলী আৰু ভাইৰাছবিধৰ গৱেষণাৰ বাবে বিশ্বজুৰি চর্চিত হোৱা ঝেংলিয়ে শেহতীয়াকৈ মন্তব্য কৰিছে যে এই মাৰাত্মক হিচাপে চিহ্ণিত ক’ৰোনা ভাইৰাছ সাধাৰণ স্তৰতেই আছে৷ দেশৰ টেলিভিছনৰ সৈতে হোৱা সাক্ষাৎকাৰত ঝেংলিয়ে উল্লেখ কৰিছে যে ইয়াক প্রতিৰোধ কৰাৰ বাবে বিশ্ববাসীয়ে ব্যৱস্থা গ্রহণ কৰিব লাগিব৷ এইক্ষেত্রত আমেৰিকাৰ সকলো অভিযোগ অগ্রাহ্য কৰিছে ঝেংলিয়ে৷