নিয়মীয়া বাৰ্তা, ১৬ নবেম্বৰঃ আমেৰিকাৰ ৰাষ্ট্রপতি নির্বাচনত ড’নাল্ড ট্রাম্প পৰাভূত হোৱাৰ পিছত ট্রাম্পৰ পত্নী মেলানিয়াই বিবাহ বিচ্ছেদৰ বাবে চিন্তা–চর্চা কৰা বুলি শেহতীয়াকৈ সংবাদ মাধ্যমত ব্যাপক চর্চা চলিছে৷
৫০ বছৰীয়া মেলানিয়া ৭৪ বছৰীয়া ট্রাম্পৰ পত্নী হোৱাৰ উপৰি চাৰিটা সতীয়া সন্তানৰ মাতৃও৷ বর্তমান মেলানিয়া আৰু সতীয়া জী ইভানকা ট্রাম্পৰ সম্পত্তিক লৈ চলিছে প্রচাৰ৷ চেলিব্রিটী নেট ৱর্থ নামৰ সংস্থাটোৰ তথ্য অনুসৰি মেলানিয়াৰ সম্পত্তিৰ পৰিমাণ হৈছে ৩৮.৬ নিযুত ডলাৰ৷
ইফালে, মেলানিয়া ট্রাম্পৰ বিপৰীতে ইভানকাৰ সম্পত্তি হৈছে ২৮৯ নিযুত ডলাৰ৷ অর্থাৎ ইভানকা ট্রাম্প মেলানিয়াতকৈ যথেষ্ট ধনী মহিলা হিচাপে চিহ্ণিত হৈছে আমেৰিকাত৷ মেলানিয়াই ১৯৯৮ চনত ড’নাল্ড ট্রাম্পক লগ পোৱাৰ পূর্বে এগৰাকী জনপ্রিয় মডেল হিচাপে নিউয়র্কত বিভিন্ন ব্যৱসায় কৰিছিল৷