নিয়মীয়া বাৰ্তা, ২৪ অক্টোবৰঃ বিজ্ঞানীসকলে গৰু আৰু গাহৰিৰ তেজত মাইক্ৰ’প্লাষ্টিক বিচাৰি পাইছে। পৃথিৱীত এই ঘটনা প্ৰথমবাৰলৈ হৈছে। আমষ্টাৰডামৰ ব্ৰিজ বিশ্ববিদ্যালয়ৰ গৱেষকসকলে কয় যে- “আমি এখন ফাৰ্মত ১২ টা গৰু আৰু ৬ টা গাহৰিৰ অধ্যয়ন কৰিছিলোঁ। গৱেষণাৰ সময়ত তেওঁলোকৰ তেজত সূক্ষ্ম প্লাষ্টিকৰ কণা পোৱা গৈছিল। “
তেওঁলোকে কয় যে- “এই ভাবুকি কেৱল জন্তুৰ বাবে নহয় ,মানুহৰ বাবেও।” এই সূক্ষ্ম প্লাষ্টিকৰ কণাবোৰ খাদ্য শৃংখলাৰ জৰিয়তে এটাৰ পৰা আনটোলৈ যাব পাৰে। উদাহৰণ স্বৰূপে- গৰুৰ গাখীৰৰ পৰা মানুহৰ দেহলৈ যাব পাৰে ।
গৱেষক লেছলীয়ে কয় যে- পূৰ্বে অন্য প্ৰাণীৰ দেহত সূক্ষ্ম প্লাষ্টিকৰ কণা পোৱা গৈছিল যদিও গৰু আৰু গাহৰিৰ দেহত প্ৰথমবাৰৰ বাবে মাইক্ৰ’প্লাষ্টিক পোৱা গৈছে ।