নিয়মীয়া বাৰ্তা, ৫ জুলাইঃ মুম্বাইৰ জি’ ৱর্ল্ড কনভেনচন চেণ্টাৰত আয়োজিত মিছ ইণ্ডিয়া ৱর্ল্ড ২০২২ৰ খিতাপ লাভ কৰিছে ছিনি শেট্টীয়ে৷ কর্ণাটকৰ ২১ বছৰীয়া ছিনি শেট্টীয়ে ফেমিনা মিছ ইণ্ডিয়া ৱর্ল্ডৰ খিতাপ লাভ কৰাৰ বিপৰীতে প্রথম ৰানার্ছআপ ৰাজস্থানৰ ৰুবৰ শ্বেখাৱট আৰু দ্বিতীয় ৰানার্ছআপ উত্তৰ প্রদেশৰ শ্বীনাটা চৌহান৷ জনপ্রিয় টেলিভিছন শ্ব’ৰ আঁত ধৰোঁতা মনীষ পালে আঁত ধৰা কেইবাগৰাকীও চেলিব্রিটী উপস্থিত থকা অনুষ্ঠানত ২১ বছৰীয়া ছিনি শেট্টীক মিছ ইণ্ডিয়াৰ খিতাপ প্রদান কৰা হয়৷ একাউণ্টিং আৰু ফাইনেঞ্চত স্নাতক ডিগ্রীধাৰী ছিনি শেট্টীয়ে চি এফ এ অর্জন কৰি প্রডাক্ট এক্সিকিউটিভ হিচাপে কার্যনির্বাহ কৰাৰ উপৰি নৃত্য, অভিনয়ত পাৰদর্শী৷ এই অনুষ্ঠানত কৃতি সেনন, লৌৰেন গটলিভ আৰু এছ চান্দলাৰে কার্যসূচী পৰিৱেশন কৰি সকলোকে মুগ্ধ কৰে৷