নিয়মীয়া বাৰ্তা, ২৯ মেঃ বাংলাদেশৰ ৰাজধানী ঢাকাৰ হাস্পতাল এখনৰ এক ক’ৰোনা ইউনিটত সংঘটিত শোকাৱহ অগ্নিকাণ্ডত পাঁচগৰাকী ৰোগীৰ মৃত্যু হৈছে৷ কালি নিশা এই অগ্ণিকাণ্ড সংঘটিত হয় ঢ়াকাত ইউনাইটেড হাস্পতালৰ ক’ৰোনা ইউনিটত৷ অগ্ণিকাণ্ডৰ ফলত পাঁচগৰাকী ক’ৰোনা ৰোগীৰ মৃত্যু হোৱাৰ উপৰি কেইবাজনো আহত হৈছে৷ মৃত্যু হোৱা লোকসকলক মহম্মদ মাহবুব (৫০), মণিৰ হোছেন (৭৫), ভেৰন এন্থনী পল (৭৪), খোদেজা বেগম (৭০) আৰু ৰিয়াজুল আলম বুলি চিনাক্ত কৰা হৈছে৷ উল্লেখ্য যে হাস্পতালৰ মূল ভৱনৰ বাহিৰৰ আইছ’লেচন ৱার্ডত এই অগ্ণিকাণ্ডৰ সূত্রপাত ঘটিছিল বুলি চিকিৎসক সাগুফা আনোৱাৰে সংবাদ মাধ্যমক জনাইছে৷