নিয়মীয়া বাৰ্তা, ১৪ ডিচেম্বৰঃ জম্মু–কাশ্মীৰৰ শ্রীনগৰৰ পৰা কিছু নিলগৰ জেৱানৰ আৰক্ষী শিবিৰৰ সমীপতে আৰক্ষীৰ বাছ এখনত ভয়াৱহ আক্রমণ চলায় সন্ত্রাসবাদীয়ে৷ সন্ত্রাসবাদীৰ এই আক্রমণত জম্মু–কাশ্মীৰৰ সশস্ত্র বাহিনীৰ দুজন জোৱান শ্বহীদ হয়৷ দুজন জোৱান শ্বহীদ হোৱাৰ বিপৰীতে ১২জন জোৱান গুৰুতৰভাৱে আহত হৈছে৷
কাশ্মীৰ আৰক্ষীয়ে ঘটনা সন্দর্ভত প্রকাশ কৰা মতে, শ্রীনগৰৰ পান্থাচোক অঞ্চলৰ জেৱানৰ সমীপত এখন আৰক্ষীৰ বাহনত দুটা সন্ত্রাসবাদীয়ে ভয়াৱহ আক্রমণ চলায়৷ সন্ত্রাসবাদীয়ে জধে–মধে কৰা গুলীচালনাত বাছখনত থকা ১৪জন আৰক্ষীৰ জোৱান হতাহত হয়৷ ইয়াৰে দুজনৰ চিকিৎসালয়ত মৃত্যু ঘটাৰ বিপৰীতে আহতসকলক শ্রীনগৰৰ হাস্পতালত ভর্তি হৈ আছে৷ আহত কেইবাজনৰ অৱস্থা সংকটজনক৷