নিয়মীয়া বাৰ্তা ২৭ ছেপ্টেম্বৰঃ ন্যায়িক ব্যৱস্থাত সকলো পর্যায়তে মহিলাৰ ৫০শতাংশ সংৰক্ষণৰ পক্ষত উচ্চতম ন্যায়ালয়ৰ মুখ্য ন্যায়াধীশ এন ভি ৰামনা৷ চি জে আই এন ভি ৰামনাই দেওবাৰে উচ্চতম ন্যায়ালয়ৰ মহিলা অধিবক্তাৰ দ্বাৰা আয়োজিত এক অনুষ্ঠানত অংশ লৈ এই মন্তব্য কৰাৰ লগতে দেশৰ সকলো আইন মহাবিদ্যালয়ত মহিলাৰ কাৰণে আসন সংৰক্ষণৰো পোষকতা কৰে৷
উল্লেখ্য যে বর্তমান ন্যায়িক ব্যৱস্থাত মহিলাৰ নিয়োগ নিম্ন পর্যায়তে আছে৷ ন্যায়িক ব্যৱস্থাত ৩০ শতাংশতকৈও কম মহিলাৰ প্রতিনিধি৷ উচ্চতম ন্যায়ালয় আৰু উচ্চ ন্যায়ালয়সমূহত মহিলাৰ প্রতিনিধি মাত্র ১১–১২ শতাংশহে৷ চি জে আই ৰামানাই কয় যে– দেশজুৰি ৬ হাজাৰ আদালত আছে৷ ইয়াৰে ২০ শতাংশত মহিলাৰ কাৰণে পৃথক টয়লেটৰ ব্যৱস্থা নাই৷ যাৰ পৰিণতিত মহিলা বিষয়াসকলে সমস্যাৰ সন্মুখীন হৈ আছে৷ আন্তঃগাঁথনিৰ অভাৱৰ বাবেই মহিলাৰ সমস্যা সমাধানত বাধা হৈ আছে৷