নিয়মীয়া বাৰ্তা ২২ জুলাইঃ সমগ্র বিশ্বত ক’ৰোনা ভাইৰাছৰ বাবে অর্থনীতি সংকটত পৰাৰ সময়তে এদিনতে ১৩ বিলিয়ন মার্কিন ডলাৰ উপার্জন কৰিলে আমাজ’নৰ চিই’ জেফ বেজ’ছে৷ বিশ্বৰ এক নম্বৰ ধনাঢ়্য ব্যক্তি বেজ’ছে এই উপার্জনেৰে তেওঁৰ সম্পত্তি ১৮৯ বিলিয়ন মার্কিন ডলাৰলৈ বৃদ্ধি কৰিলে৷ তাৎপর্যপূর্ণ যে কালিৰ দিনটোত জেফ বেজ’ছৰ উপার্জন ১৩ বিলিয়ন মার্কিন ডলাৰ৷ ইয়াকে লৈ চলিত বর্ষত আমাজ’নৰ চি ই অ’ৰ উপার্জিত সম্পত্তিৰ মূল্য ৭৪.৪ বিলিয়ন মার্কিন ডলাৰ৷ ব্লুমবার্গ বিলিয়নার্ছ ইনডেক্সৰ তথ্য মতে, ২০১২ চনৰ পিছত কালিৰ দিনটোত এজন ব্যক্তিয়ে অভিলেখসংখ্যক ১৩ বিলিয়ন মার্কিন ডলাৰ উপার্জন কৰে৷ উল্লেখ্য যে ভাৰতৰ উদ্যোগপতি ৰিলায়েন্সৰ স্বত্বাধিকাৰী মুকেশ আম্বানিৰ চলিত বর্ষত উপার্জন ১৩.৫ বিলিয়ন মার্কিন ডলাৰ৷ বর্তমান আম্বানি বিশ্বৰ ৮ নম্বৰ ধনাঢ়্য ব্যক্তি৷