নিয়মীয়া বাৰ্তা, ২২ আগষ্টঃ পঞ্জাবৰ পাক-ভাৰত সীমান্তত আজি ১০৩ বেটেলিয়নৰ বি এছ এফ জোৱানৰ গুলীত পাঁচগৰাকী অনুপ্ৰৱেশকাৰীৰ মৃত্যু হয়।
বি এছ এফৰ সূত্ৰ অনুসৰি, পঞ্জাৱৰ তৰণ-তাৰণ জিলাৰ আন্তঃৰাষ্ট্ৰীয় সীমান্তত লোককেইজনৰ গতিবিধি সন্দেহজনক আছিল আৰু বি এছ এফে আগুৱাই গৈ বাধা দিওঁতে গুলীচালনা কৰে। লগে লগে বি এছ এফৰ জোৱানেও গুলীৰে প্ৰত্যুত্তৰ দিয়াত নিহত হয় ৫ অনুপ্ৰৱেশকাৰী।
উল্লেখ্য অনুপ্ৰৱেশকাৰীৰ পৰা এটা এ কে ছিৰিজৰ ৰাইফল উদ্ধাৰ কৰা হৈছে।