নিয়মীয়া বাৰ্তা, ২৯ জানুৱাৰীঃ দিল্লী সীমান্তৰ কৃষক আন্দোলনৰ উদ্বেগজনক পৰিস্থিতিৰ মাজতে আজি দিল্লীস্থিত ইজৰাইলৰ দূতাবাসৰ ওচৰত বোমা বিস্ফোৰণ হয়।
ঘটনাত কোনো লোক হতাহত হোৱা নাই যদিও ৪-৫ খন গাড়ী ক্ষতিগ্ৰস্ত হয়। আৰক্ষীৰ পৰা পোৱা সূত্ৰ অনুসৰি, বিস্ফোৰণ পদপথৰ কাষত হৈছিল আৰু পাৰ্কিং কৰি ৰখা কেইখনমান গাড়ী ক্ষতিগ্ৰস্ত হয়।
ইতিমধ্যে স্পেচিয়েল ফোৰ্চ ঘটনাস্থলীত উপস্থিত হৈ তদন্ত আৰম্ভ কৰিছে বুলি জানিব পৰা গৈছে।