নিয়মীয়া বাৰ্তা ১৩ মাৰ্চঃ অভিনেতা তথা ৰাজনীতিক কমল হাছানে তামিলনাডুৰ আগন্তুক বিধানসভা নির্বাচনত কইম্বাটোৰ দক্ষিণ সমষ্টিৰ পৰা প্রতিদ্বন্দ্বিতা কৰিব৷ উল্লেখনীয় যে তামিলনাডুত ৬ এপ্রিলত অনুষ্ঠিত হ’ব বিধানসভা নির্বাচন৷ কমল হাছানে গঠন কৰা মাক্কাল নিধি মায়াম (এমএনএম) দলে প্রথমবাৰলৈ কোনো নির্বাচনত অৱতীর্ণ হ’ব৷ দলটোৱে ৰাজ্যখনৰ মুঠ ১৫৪টা সমষ্টিত প্রতিদ্বন্দ্বিতা কৰাৰ সিদ্ধান্ত লৈছে৷ উল্লেখনীয় যে আজি প্রতিদ্বন্দ্বিতা কৰিবলগীয়া সমষ্টিৰ নাম ঘোষণা কৰাৰ উপৰি কমল হাছানে দলৰ দ্বিতীয়খন প্রার্থী তালিকাও মুকলি কৰিছে৷