হোৱাটচএপত অভিনেত্ৰীক দিলে অশালীন প্ৰস্তাৱ! ক্ষুদ্ধ অভিনেত্ৰীয়ে শ্বেয়াৰ কৰিলে স্ক্রীন শ্বট…
নিয়মীয়া বাৰ্তা ১৫ ডিচেম্বৰঃ যৌন আতিশায্যৰ বলি মুম্বাইৰ এগৰাকী প্ৰতিষ্ঠিত অভিনেত্ৰী। আৰক্ষীক অভিযোগ কৰিছে খোদ অভিনেত্ৰী গৰাকীয়ে। অভিনেত্ৰী গৰাকীৰ অভিযোগ অনুসৰি কোনো অজ্ঞাত যুৱকে হোৱাটচ এপ কল কৰি হস্তমৈথুন কৰিছিল।
ঘটনা বিবৰণি অনুসৰি ৩২ বছৰীয়া মুম্বাইৰ নিবাসী অভিনেত্ৰী গৰাকীলৈ যোৱা শুকুৰবাৰে হোৱাটচ এপত এক অচিনাকী নম্বৰৰ পৰা ভিডিঅ কল আহে যদিও প্ৰথম অৱস্থাত অভিনেত্ৰী গৰাকীয়ে ফোন ৰিচিভ কৰা নাছিল। কিন্তু অনিচ্ছাকৃতভাৱে ফোনটো ৰিচিভ কৰাৰ লগে লগে অচিনাকী যুৱকজনে হস্তমৈথুন কৰিবলৈ আৰম্ভ কৰে। প্ৰমাণ হিচাপে অভিনেত্ৰী গৰাকীয়ে স্ক্রীন শ্বট ৰাখি থয় । অভিনেত্ৰী গৰাকীয়ে অভিযোগ কৰে যে ইয়াৰ আগতেও যুৱকজনে বহুধৰণৰ মেচেজ কৰিছিল কিন্তু এইবাৰ সীমা চেৰাই গৈছে।
ইয়াৰ পিছত অভিনেত্ৰী গৰাকীয়ে মুম্বাই আৰক্ষীক স্ক্রীন শ্বটসহ টুইট কৰে। আৰক্ষীয়ে ঘটনাটোৰ অনুসন্ধান কৰি যুৱকজনক গ্ৰেপ্তাৰ কৰে। যুৱকজনে অভিনেত্ৰী গৰাকীক ভূলৰ বাবে ক্ষমা খোজে যদিও আৰক্ষীয়ে নিজৰ জিম্মাত ৰাখিছে অভিযুক্ত যুৱকজনক।