আমেৰিকাৰ টাইম স্কোৱেৰতো আয়োজন ৰাম মন্দিৰৰ ভূমি পূজনৰ

নিয়মীয়া বার্তা, ৪ আগষ্টঃ আমেৰিকাৰ টাইম স্কোৱেৰতো উদযাপন কৰা হ’ব ৰাম মন্দিৰৰ ভূমি পূজন কাৰ্যসূচী। নিউয়ৰ্কৰ বাণিজ্য চহৰ তথা পৰ্যটকৰ আকৰ্ষণস্থলী টাইম স্কোৱেৰত ভূমি পূজন কাৰ্যসূচীৰ লগতে হিন্দু দেৱতা ৰাম আৰু অযোধ্যাৰ ৰাম মন্দিৰৰ নক্সাৰ থ্ৰী-ডি ছবিও প্ৰদৰ্শিত হ’ব।

কাইলৈ অৰ্থাৎ ৫ আগষ্টৰ সন্ধিয়া ৭.৩০ বজাত বন্তি প্ৰজ্বলনেৰে কাৰ্যসূচী আৰম্ভ কৰাৰ কথা ব্যক্ত কৰে ৰাম জনমভূমি শিলান্যাস উদযাপন সমিতি(আমেৰিকা)ৰ অধ্যক্ষ জগদীশ সেবহানীয়ে। বন্তি প্ৰজ্বলনৰ লগতে ভজন, মুখ্য অতিথিৰ ভাষণ আৰু মিঠাই বিতৰণেৰে দুঘণ্টীয়া অনুষ্ঠানটোৰ অন্ত পৰিব।

আনহাতে ভগৱান ৰাম আৰু মন্দিৰৰ থ্ৰী-ডি প্ৰদৰ্শনী পুৱা ৮ বজাৰ পৰা নিশা ১০ বজালৈ প্ৰদৰ্শিত হ’ব।