নিয়মীয়া বাৰ্তা, ২৯ জুনঃ ৰাষ্ট্রীয় স্বার্থজনিত লাডাখক লৈ ৰাজনীতিকৰণ উচিত নহয় বুলি কংগ্রেছৰ প্রাক্তন সভাপতি ৰাহুল গান্ধীক কটাক্ষ কৰিছে এনচিপিৰ মুৰব্বী শাৰদ পাৱাৰে৷ লাডাখত ভাৰত–চীনৰ সংঘাতৰ পৰিস্থিতিক লৈ ৰাজনীতি নকৰিবলৈ একপ্রকাৰ সকীয়াই দি এনচিপিৰ মুৰব্বী শাৰদ পাৱাৰে কয় যে ১৯৬২ চনৰ চীন–ভাৰতৰ যুদ্ধৰ সময়ত কি ঘটিছিল, সেয়া মনত পেলাওক৷
সেই সময়ত চীনে ভাৰতীয় ভূমিখণ্ডৰ ৪৫ হাজাৰ বর্গকিলোমিটাৰ দখল কৰিছিল৷ কাৰোবাৰ বিৰুদ্ধে অভিযোগ উত্থাপন কৰাৰ পূর্বে অতীতৰ ঘটনাক যুকিয়াই চাব লাগে বুলি ৰাহুল গান্ধীক কটাক্ষ কৰে এনচিপিৰ মুৰব্বীগৰাকীয়ে৷ তাৎপর্যপূর্ণ যে এনচিপি আৰু কংগ্রেছ সহযোগী দল হিচাপে মহাৰাষ্ট্রত ৰাজনীতি কৰি আছে৷