নিয়মীয়া বাৰ্তা, ১১ মার্চঃ কট্টৰ ইছলামপন্থীৰ দ্রুত উত্থানৰ মাজতেই বাংলাদেশত আন্তর্জাতিক নাৰী দিৱসৰ দিনাখন প্রথমগৰাকী তৃতীয় লিংগৰ ব্যক্তিয়ে নিউজ এংকৰ হিচাপে দায়িত্ব লাভ কৰিছে এটা বাংলা চেনেলত৷
বৈশাখী নিউজ নামৰ এই চেনেলটোৰ বিয়লি ৪ বজাৰ বুলেটিনত নিউজ ৰীডাৰ হিচাপে প্রথমবাৰৰ বাবে দায়িত্ব পালন কৰে তছনুভা আনান শিশিৰে৷ ব্যক্তিগত নিউজ চেনেলটোত প্রথমগৰাকী তৃতীয় লিংগৰ অথবা ট্রেন্সজেণ্ডাৰ ব্যক্তি হিচাপে আনান শিশিৰে নিউজ ৰীডিং কৰাৰ পিছতেই বাংলাদেশৰ উদাৰপন্থী লোকসকলে ইয়াক আদৰণি জনাইছে৷
অৱশ্যে কট্টৰ ইছলামপন্থীসকলে চেনেলটোৰ এই কার্যক লৈ তীব্র ক্ষোভ প্রকাশ কৰিছে৷ স্মর্তব্য যে ২৯ বছৰীয়া আনান শিশিৰে চেনেলটোৰ শেহতীয়া অডিচনৰ সময়ত নিউজ এংকৰ হিচাপে বাছনি লাভ কৰিবলৈ সক্ষম হয়৷