নিয়মীয়া বাৰ্তা ৩০ নৱেম্বৰঃ টুইটাৰৰ সহঃ প্রতিষ্ঠাতা তথা চি ই অ’ জেক দর্চীয়ে পদত্যাগ কৰাৰ পাছত সামাজিক মাধ্যম টুইটাৰৰ নতুন চি ই অ’ হ’ব ভাৰতীয় বংশোদ্ভৱ পৰাগ আগৰৱাল৷ কোম্পানীটোৰ ব’র্ডে সর্বসন্মতিক্রমে টুইটাৰৰ মুখ্য প্রযুক্তি বিষয়া (চীফ টেকন’লজী অফিচাৰ) পৰাগ আগৰৱালক নতুন চি ই অ’ হিচাপে নিযুক্তি দিছে৷ টুইটাৰ সহঃ প্রতিষ্ঠাতা তথা চি ই অ’ জেক দর্চীয়ে ২০১৫ চনৰ পৰা টুইটাৰৰ চি ই অ’ হিচাপে কার্যনির্বাহ কৰি আছিল৷ চি ই অ’ পদৰ পৰা পদত্যাগ কৰিলেও জেক ২০২২ চনৰ মে’লৈকে কোম্পানীটোৰ ব’ড সদস্য হিচাপে থাকিব৷