লখিমপুৰ জিলাৰ মুখ্য ন্যায়িক দণ্ডাধীশৰ কার্যালয়ত খালী হৈছে পিয়নৰ ৩টা পদ৷ যোগ্য প্রার্থীৰ পৰা আবেদন আহ্বান কৰি মুখ্য ন্যায়িক দণ্ডাধীশে অসম চৰকাৰৰ জনসংযোগ বিভাগৰ জৰিয়তে সংবাদ–পত্রত প্রকাশ কৰিছে৷ আবেদনকাৰী অষ্টম শ্রেণী উত্তীর্ণ হোৱাটো বাঞ্ছনীয়৷ নিযুক্তিপ্রাপ্তই মাহে পিবি–১ৰ আধাৰত ১২,০০০–৫২,০০০ টকাসহ ৩,৯০০ টকাৰ গ্রেড পে’ লাভ কৰিব৷
চতুর্থবর্গৰ এই পদকেইটা অসংৰক্ষিত৷ প্রার্থীৰ বয়স ১ জানুৱাৰী, ২০২০লৈ ১৮–৩৮ বছৰ হ’ব লাগিব৷ আগ্রহীসকলে যাৱতীয় নথি–পত্রৰ প্রত্যায়িত প্রতিলিপিসহ আবেদন ঠিকনালৈ প্রেৰণ কৰিব লাগিব৷ আবেদন দাখিলৰ অন্তিম তাৰিখ ১৮ আগষ্ট, ২০২০৷ আবেদন প্রেৰণৰ ঠিকনা ঃOffice of the Chief Judicial Magistrate, Lakhimpur, North Lakhimpur, Assam.