নিয়মীয়া বাৰ্তা, ২৪ মাৰ্চ : কামপুৰ দেৱনাৰিকলীত আজি বিদ্যুতৰ তাঁৰত লাগি এখন খেৰ ভৰ্তি ট্ৰাক জ্বলি যায়। প্ৰাপ্ত বাতৰি অনুসৰি চালকৰ উপস্থিত বুদ্ধিৰ বাবে কথমপি প্ৰাণ ৰক্ষা পৰে চালক, হেণ্ডিমেন আৰু গাড়ীখনৰ। জ্বলি থকা ট্ৰাকখন চালকে পথাৰৰ পানী থকা ঠাইলৈ চলাই নিয়ে আৰু ইয়াৰ ফলত সৌভাগ্য ক্ৰমে কেবাটাও বাস গৃহ ৰক্ষা পৰে বুলি জানিব পৰা গৈছে। পিচত স্থানীয় ৰাইজ আৰু অগ্নি নিৰ্বাপক বাহিনীৰ গাড়ী ঘটনাস্থলীত উপস্থিত হৈ জুই নুমুৱাবলৈ সক্ষম হয়।