নিয়মীয়া বাৰ্তা, ৭ এপ্ৰিলঃ নগাঁও জিলাৰ চামগুৰিত দুৰ্বৃত্তই এম্বুলেঞ্চক আক্ৰমণ কৰা ঘটনাই চাঞ্চল্য সৃষ্টি কৰিছে । চামগুৰি থানাৰ অন্তৰ্গত ৰঙাগড়া অঞ্চলৰ ৩৭ নং ৰাষ্ট্ৰীয় ঘাইপথত যোৱানিশা তেজপুৰ অভিমুখে গৈ থকা এ এছ-০১ এফ চি- ৮৩১৮ নম্বৰৰ এম্বুলেঞ্চখনলৈ দুৰ্বৃত্তই শিলগুটি নিক্ষেপ কৰে ।
শিলাবৰ্ষণত এজন ৰোগীসহ আন তিনিজন লোক আহত হোৱাৰ ওপৰি এম্বুলেঞ্চখন ক্ষতিগ্ৰস্ত হয় ।
আনহাতে এই ঘটনাৰ পাছতে চামগুৰি থানাৰ আৰক্ষীয়ে ঘটনাস্থলীত উপস্থিত হৈ সোধপোছাৰ বাবে নিশাই দুজন লোকক আটক কৰে ।