নিয়মীয়া বাৰ্তা:২৯ অক্টোবৰ :: শোণিতপুৰৰ চাৰিদুৱাৰৰ কিছু অঞ্চলত এচামে সমাজবিৰোধী লোকে জুৱা, ডাইচ আদি খেল পাতি সামাজিক জীৱন কলুষিত কৰি থকাৰ অভিযোগ বিভিন্ন সময়ত উত্থাপিত হৈ আহিছে । এনেধৰণৰ অভিযোগ উত্থাপন হৈ অহাৰ মাজতে যোৱানিশা চাৰিদুৱাৰৰ গড়মৰাৰপৰা ৫ টাকৈ জুৱাৰীক আটক কৰিবলৈ সক্ষম হয় । জানিব পৰা মতে এক গোপন খবৰৰ ভিত্তিত চাৰিদুৱাৰ আৰক্ষীৰ এটা অভিযানকাৰী দলে নিশাৰ ভাগত চাৰিদুৱাৰৰ ১ নং গড়মৰাত অভিযান চলাই জুৱা খেলি থকা অৱস্থাৰপৰা ৫ টাকৈ জুৱাৰীক আটক কৰে । আৰক্ষীয়ে জুৱাৰীকেইটাৰ পৰা জুৱা খেলৰ সামগ্ৰী আৰু নগদ ধনো জব্দ কৰিছে । আটকাধীন জুৱাৰীকেইটা ক্ৰমে বাবু বসুমতাৰী, দীলমান ডাউকা, কৃষ্ণ নায়ক, ভাৰত ৰবি দাস আৰু ৰাহুল মজুমদাৰ ।