নিয়মীয়া বাৰ্তা, ২৫ জুলাইঃ লাওখোৱা অভয়াৰণ্যৰ পৰা খাদ্য আৰু আশ্রয়ৰ সন্ধানত জনাঞ্চললৈ ওলাই অহা বনৰীয়া গাহৰিৰ এটা জাকৰ আক্রমণত জুৰীয়াৰ বৰালিমাৰীত চাৰিজনকৈ লোক আহত হয়৷ গাহৰিৰ আক্রমণত আহতকেইজন হ’ল ক্রমে মুজাহাৰোল ইছলাম, আছাদুল ইছলাম, ছৌকত আলী, ইব্রাহীম আলী৷ ইয়াৰে মাহাৰুল ইছলাম, আছাদুল ইছলাম আৰু ছৌকত আলীৰ অৱস্থা সংকটজনক হোৱাত তিনিওগৰাকীকে নগাঁৱলৈ প্রেৰণ কৰা হয়৷ আজি পুৱাও গাহৰিৰ এটা জাকে বৰালিমাৰীৰ ছৌকত আলীৰ ঘৰৰ ভিতৰত সোমাই ছৌকত আলীক আক্রমণ কৰাৰ লগতে সমীপৰ আন এটা পৰিয়ালকো আক্রমণ কৰাত লোককেইজন আহত হয়৷