নিয়মীয়া বাৰ্তা, ২৫ অক্টোবৰ: আজি সন্ধিয়া নগাৱৰ হয়বৰগাঁও আৰক্ষীয়ে অভিযান চলায় নগাঁও চহৰৰ লক্ষীনগৰ চাৰিআলিৰ সমীপৰ পৰা এখন গৰু ভৰ্তি টাটা ডি,আই গাড়ী জব্দ কৰিবলৈ সক্ষম হয়। চোৰাং গৰু ভৰ্তি A S 01K C 5498 নম্বৰৰ গাড়ী খন নগাঁৱৰ দিশে আহি থকাৰ খবৰ লাভ কৰি হয়বৰগাঁও আৰক্ষীৰ ভাৰপ্ৰাপ্ত বিষয়া তৰংগ পাটোৱাৰিৰ নেতৃত্বত যোৱা আৰক্ষী দলে অভিযান চলাই লক্ষীনগৰ চাৰিআলিৰ সমীপত গৰু সহ গাড়ী খন জব্দ কৰিবলৈ সক্ষম হয়।
অৱশ্যে গাড়ী খনৰ চালক জন পলাই যাবলৈ সক্ষম হয়।হয়বৰগাঁও আৰক্ষীয়ে জনোৱা মতে গাড়ী খনত ব্যৱহাৰ কৰা নম্বৰটো সন্দেহজনক।এই সন্দৰ্ভত আৰক্ষীয়ে তদন্ত অব্যাহত ৰাখিছে।সূত্ৰটোয়ে জনোৱা মতে গাড়ী খনত অনা গৰু সমূহৰ মুখ,ভৰি আদি প্লাষ্টিকৰ ৰছীৰে কটকটীয়াকৈ বান্ধি আনিছিল যাতে গাড়ী খনত গৰু অনাৰ কথা কোনেও গম নাপায়।আৰক্ষীয়ে জব্দ কৰা ৮ টা গৰু নগাওঁ গো-শালাত চমজাই দিয়ে