নিয়ৰ্মীয়া বাৰ্তা, ২৪ছেপ্টেম্বৰ: লখিমপুৰ জিলাৰ সংবাদ ক্ষেত্ৰ খনৰ অন্যতম তথা ৰূপালী জয়ন্তী বৰ্ষ গৰকা নাৰায়ণপুৰ প্ৰেছ ক্লাৱত শুকুৰবাৰে আহি উপস্থিত হয় তেজপুৰ লোকসভা সমষ্টিৰ সাংসদ পল্লৱলোচন দাস।বিভিন্ন দলীয় কাৰ্যসূচী লৈ দিনযোৰাকৈ নাৰায়ণপুৰলৈ অহা সাংসদ গৰাকীয়ে দুপৰীয়া ভাগত বিজেপিৰ দলীয় কাৰ্যকৰ্তা সকলৰ লগত আহি নাৰায়ণপুৰ প্ৰেছ ক্লাৱত উপস্থিত হয় ।পোণপ্ৰথমবাৰৰ বাবে নাৰায়ণপুৰৰ প্ৰেছ ক্লাৱত উপস্থিত হোৱা সাংসদ গৰাকীক সম্বৰ্ধনা জনোৱাৰ উদ্দেশ্যে আয়োজন কৰা এক অনুষ্ঠানৰ আঁত ধৰে নাৰায়ণপুৰ প্ৰেছ ক্লাৱৰ সম্পাদক সৰোজ কুমাৰ নেওগে।ইয়াৰ পিছতে সাংসদ গৰাকীক এখন ফুলাম গামোচাৰে সম্বৰ্ধনা জনায় ক্লাৱৰ সদস্য সমীন কুমাৰ শইকীয়াই।নাৰায়ণপুৰৰ সৰ্ব দিশ সামৰি ক্লাবৰ ৰূপালী জয়ন্তীৰ স্মাৰক গ্ৰন্থ হিচাপে প্ৰকাশ কৰা “বৰ নাৰায়ণপুৰ” শীৰ্ষক এখনি গ্ৰন্থৰে সাংসদ গৰাকীক সম্বৰ্ধনা জনায় সদস্য চন্দন শইকীয়াই।সভাত সাংসদ গৰাকীয়ে ক্লাৱৰ সংবাদকৰ্মী সকলৰ সহিতে মত বিনিময় কৰাৰ লগতে নাৰায়ণপুৰৰ লগতে জিলা খনক আগবঢ়াই নিয়াৰ ক্ষেত্ৰত নাৰায়ণপুৰ প্ৰেছ ক্লাৱৰ অৱদান তথা সংবাদ সেৱাক সলাগ জনোৱাৰ লগতে আগন্তুক দিনত ৰাইজৰ হৈ কাম কৰাৰ ক্ষেত্ৰত নাৰায়ণপুৰ প্ৰেছ ক্লাৱৰ দিহা পৰামৰ্শ আৰু সহায় সহযোগিতা কামনা কৰে। সাংসদ গৰাকীৰ লগত এই কাৰ্যসূচীত উপস্থিত থাকে লখিমপুৰ জিলা বিজেপিৰ সভাপতি ফণীধৰ বৰুৱা, দেউৰী স্বায়ত্ত শাসিত পৰিষদৰ অধ্যক্ষ বিষ্ণু কুমাৰ দেউৰী, ঠেঙাল কছাৰী স্বায়ত্ত শাসিত পৰিষদৰ উপ মূখ্য কাৰ্যবাহী সদস্য কেশৰাম বৰা, নাৰায়ণপুৰ পৌৰ সভাৰ উপ পৌৰপতি বিৰাজ ভূঞাকে প্ৰমুখ্য কৰি প্ৰেছ ক্লাৱৰ সদস্য সকলৰ লগতে বিজেপিৰ বহু সংখ্যক দলীয় কাৰ্যকৰ্তা উপস্থিত থাকে ।