নিয়মীয়া বাৰ্তা, ২০ মাৰ্চঃ বাদুলীপাৰৰ স্বেচ্ছাসেৱী সংগঠন সহায়ৰ উদ্যোগত তথা বাদুলীপাৰ আঞ্চলিযক ছাত্ৰ সন্থা , ব্যৱসায়ী সন্থা , গাঁওৰক্ষী বাহিনী , মজদুৰ ক্লাৱ আৰু প্ৰজ্ঞা মহিলা সমিতিৰ সহযোগত আজি বাদুলীপাৰ মজদুৰ ক্লাৱ প্ৰাঙ্গণত এটা ৰক্তদান শিৱিৰ সম্পন্ন হৈ যায়৷ গোলাঘাট শ্বহীদ কুশল কোঁৱৰ অসামৰিক চিকিৎসালয়ৰ ব্লাড বেঙ্কৰ সৌজন্যত অনুষ্ঠিত এই শিৱিৰত বিশ গৰাকী দাতাই ৰক্তদান কৰে ৷ শিৱিৰত ব্লাড বেঙ্কৰ ডা° ৰূপক বৰা , পৰামৰ্শদাতা বিজু বৰাকে ধৰি পাঁচ জনীয়া এটি চিকিৎসা কৰ্মীৰ দলে সেৱা আগবঢ়ায়।