নিয়মীয়া বাৰ্তা, ১০ ডিচেম্বৰ: শোণিতপুৰৰ বালিপৰাত বহুমুখী কলা কেন্দ্ৰৰ উদ্যোগত আজিৰেপৰা দহদিনীয়াকৈ আৰম্ভ হৈছে ৰূপকোঁৱৰ জ্যোতিপ্ৰসাদ আগৰৱালাৰ গীত আৰু গীতৰ আধাৰত নৃত্যৰ কৰ্মশালা । আজি বিয়লি ৩:০০ বজাত বালিপৰাৰ অগ্ৰণী শিক্ষানুষ্ঠান শংকৰদেৱ শিশু নিকেতনত অনুষ্ঠিত আৰম্ভণী অনুষ্ঠানত সভাপতিত্ব কৰে ৰঙাপৰা মহাবিদ্যালয়ৰ অসমীয়া বিভাগৰ মুৰব্বী অধ্যাপক ড০ অশ্বিনী কুমাৰ ডেকাই। অনুষ্ঠানত বালিপৰা অঞ্চলৰ ভালেমান শিশু, ছাত্ৰ-ছাত্ৰীয়ে অংশগ্ৰহণ কৰিছে। অনুষ্ঠানত বালিপৰা উচ্চতৰ মাধ্যমিক বিদ্যালয়ৰ অধ্যক্ষ প্ৰণৱজ্যোতি মেধি, বালিপৰা উন্নয়ন সমিতিৰ সম্পাদক হিৰোজ শইকীয়াৰ লগতে বহুমুখী কলা কেন্দ্ৰৰ বিষয়ববীয়া, অভিভাৱক, অংশগ্ৰহণকাৰীসকল উপস্থিত থাকে ।