নিয়মীয়া বাৰ্তা, ১ ফেব্ৰুৱাৰী, মুখ্যমন্ত্ৰী ড৹ হিমন্ত বিশ্ব শৰ্মাৰ ওপজা দিন আজি সমগ্ৰ ৰাজ্যৰ লগতে বিজনীতো ব্যতিক্ৰমী ৰূপে পালন কৰা হয়। চিৰাং জিলাৰ বিজনীত বিজেপিৰ উদ্যোগত উদযাপন কৰা হ’ল জনপ্ৰিয় মুখ্যমন্ত্ৰী ড৹ হিমন্ত বিশ্ব শৰ্মাৰ জন্ম দিন।
বিজনী চহৰৰ দেওকুৰা পাৰত আয়োজিত কাৰ্যসূচীত পাঁচ কেজি ওজনৰ বৃহৎ কেক আৰু ৫৩ডাল মম জ্বলাই ভগৱানৰ ওচৰত প্ৰাৰ্থনা জনাই দীৰ্ঘায়ু কামনা কৰে মুখ্যমন্ত্ৰীগৰাকীৰ।
মুখ্যমন্ত্ৰীগৰাকীৰ জন্মদিন উপলক্ষে আয়োজন কৰা উক্ত কাৰ্যসূচীত বিজনীৰ বিধায়ক অজয় কুমাৰ ৰয়, বিটিআৰৰ উপাধ্যক্ষ অভিৰাম মহানায়ক, পাৰিষদ প্ৰদীপ কুমাৰ বায়নসহ বিজেপিৰ নেতা, কাৰ্যকৰ্তা উপস্থিত থাকি মুখ্যমন্ত্ৰী ড৹ হিমন্ত বিশ্ব শৰ্মাৰ নেতৃত্বত অসমে নতুন গতি লাভ কৰা বুলি মন্তব্য কৰে।
প্ৰেৰক বৰ্ণালী তালুকদাৰ